काठमाडौँ, — राष्ट्रिय प्रजातन्त्र पार्टी (राप्रपा) की सांसद रोशन कार्कीले संसदमा प्रस्तुत हुने विधेयकहरूमा गहन अध्ययन गरेर मात्र संशोधन प्रस्ताव हाल्नुपर्ने आवश्यकता रहेको बताएकी छन्।
प्रतिनिधि सभाको महिला तथा सामाजिक मामिला समितिको शनिवार भएको बैठकमा उनले नीति निर्माण प्रक्रियामा सावधानी अपनाउन आग्रह गर्दै भनिन्, “संसदमा विधेयक प्रस्तुत गर्दा संशोधनका लागि पर्याप्त समय दिई गहन अध्ययन गरेपछि मात्र परिमार्जन गर्नुपर्छ। यसले नै राम्रो नीति बनाउन सहयोग गर्छ।”
यसैगरी, राज्य व्यवस्था तथा सुशासन समितिको बैठकमा उनले ‘कुलिङ पिरियड’ (कूलिंग अवधि) सम्बन्धी विवादमा पाठ सिक्नुपर्ने बताइन्। उनले भनिन्, “यस घटनाबाट सांसदहरूले सचेत हुनुपर्छ र कानुनका सबै दफाहरू अध्ययन गरेर मात्र अघि बढ्नुपर्छ।”
उक्त बैठकमा ऐन कार्यान्वयन तथा निरीक्षण सम्बन्धी प्रगतिबारे छलफल भएको थियो। सांसद कार्कीले विधायी प्रक्रियामा पारदर्शिता र जवाफदेहिता बढाउन आवश्यक रहेको जोड दिएकी छन्।
