काठमाडौंको त्रिपुरेश्वर बस बिसौनी नजिक शङ्कास्पद वस्तु भेटिएपछि उत्पन्न भएको त्रासको अवस्था अन्ततः निरर्थक सावित भएको छ।
नेपाली सेनाको बम डिस्पोजल टोलीले उक्त वस्तु सुरक्षित रूपमा डिस्पोज गरेपछि झोलाभित्र सिरानी र कपडा मात्रै भेटिएको हो।
स्थानीयले कम्बलले बेरिएको रहस्यमय झोला देखेपछि प्रहरीलाई खबर गरेका थिए। सूचना पाएलगत्तै नेपाल प्रहरी र नेपाली सेनाको टोली घटनास्थल पुगेको थियो।
आवश्यक सुरक्षा सतर्कता अपनाउँदै बम डिस्पोजल टोलीले अनुसन्धान गर्दा उक्त वस्तु आतङ्क सिर्जना गर्ने उद्देश्यले राखिएको पुष्टि भएको प्रहरी परिसर काठमाडौंले जनाएको छ।
- Advertisement -
प्रारम्भिक अनुसन्धानमा झोलाभित्र सिरानी, कपडा तथा अन्य सामान्य सामग्री मात्र रहेको पाइएको छ। प्रहरीले यसबारे थप अनुसन्धान गरिरहेको छ।
प्रकाशित: ६ फाल्गुन २०८१ २१:३१ मंगलबार
