फाल्गुनन्द–३ का वार्ड अध्यक्ष सुखविर नेम्बाङको निधन

पाँचथर– पाँचथरको फाल्गुनन्द गाँउपालिका वार्ड न.–३ का वार्ड अध्यक्ष सुखविर नेम्बाङको निधन भएको छ । क्यान्सर रोगका कारण विरामी रहेका नेम्बाङको उनकै नीजि निवास पौवासारतापमा निधन भएको हो ।
केहि बर्षदेखि उनी क्यान्सर रोगसँग लडिरहेका थिए । विभिन्न अस्पतामा उपचार गराएका थिए । ४७ बर्षको उमेरमा उनको निधन भएको हो । उपचारबाट निको हुने सम्भावना कम भएपछि पछिल्लो महिनामा घरमै थिए ।
२०७४ साल र २०७९ सालमा उनी वार्ड अध्यक्ष निर्वाचित भएका थिए । उनी नेपाली कांग्रेस फाल्गुनन्द गाँउ कार्यसमितिका सभापति समेत थिए । विगतमा राम्रो भलिवल खेलाडीको रुपमा समेत उनको परिचय रहेको थियो ।
उनको निधनले फाल्गुनन्द गाँउपालिका सहित जिल्लाको राजनीतिमा ठुलो क्षती पुगेको गाँउपालिका अध्यक्ष वृजहाङ आङदेम्बेले बताए ।
उनका श्रीमती र दुई छोरी रहेका छन् । बुधवारनै उनको पौवासारतापमा अन्तिम दाहासंस्कार गरिने परिवारले जानकारी दिएको छ ।