चीन । चीनले अमेरिकाबाट आयात हुने सामानमा १२५ प्रतिशत कर लगाउने भएको छ । अमेरिकाले चिनियाँ सामानमा हालै लगाएको १४५ प्रतिशत करको जवाफमा चीनले उक्त निर्णय गरेको हो ।
गत हप्ताको बुधवार अमेरिकी राष्ट्रपति डोनाल्ड ट्रम्पले चिनियाँ सामानमा ३४ प्रतिशत करवृद्धिको घोषणा गरेका थिए । जवाफमा चीनले पनि अमेरिकी सामानमा ३४ प्रतिशत कर लगाएको थियो ।
- Advertisement -
त्यसपछि ट्रम्पले गत बुधवार चिनियाँ वस्तुको आयातमा लाग्ने कर १२५ प्रतिशत थपेर १४५ प्रतिशत पुर्याए ।
बिहीबार चीनले पनि अमेरिकी सामानमा लाग्ने कर ८४ प्रतिशतबाट बढाएर १२५ प्रतिशत पुर्याएको हो । ट्रम्पले ७५ भन्दा बढी देशहरूमाथि लगाएको पारस्परिक भन्सार शुल्क ९० दिनका लागि स्थगित गरी १० प्रतिशतमा यथावत् राखेका छन् । एजेन्सीको सहयोगमा
