कुवेत सरकारले देशको जाबिर अल-अहमद अन्तर्राष्ट्रिय स्टेडियममा एयर-कन्डिशनिंग (शीतलन) प्रविधि स्थापना गर्ने योजना बनाएको छ। यसको काम हालको खेल मौसम समाप्त भएपछि सुरु हुने अपेक्षा छ। कुवेतका प्राधिकरणहरूले यस प्रविधि सम्बन्धी जानकारी, विकल्प र कम्पनीहरूको चयनमा कतारी समकक्षहरूसँग छलफल गरिरहेका छन्। कतारले २०२२ फिफा विश्वकपका लागि निर्माण गरेका उन्नत शीतलन प्रविधि युक्त स्टेडियमहरूको अनुभवलाई यस प्रक्रियामा साझा गर्ने बताइएको छ।
कुवेतमा गर्मीको तीव्र तापमानले खेलाडी तथा दर्शकहरूको सुविधा बढाउन यो पहल गरिएको हो। कतारले विश्वकप स्टेडियमहरूमा प्रयोग गरेका प्रविधि र त्यसमा संलग्न कम्पनीहरूसँग कुवेतले सिधा सम्पर्क राखेको छ। यस प्रविधि कार्यान्वयनपछि स्टेडियमले अन्तर्राष्ट्रिय स्तरका आयोजनहरू आयोजना गर्न सजिलो हुने विश्वास व्यक्त गरिएको छ।
कुवेत खेलकुद प्राधिकरणले यो परियोजना शीघ्रै पूरा गर्ने लक्ष्य राखेको छ भने यसले देशको खेलकुद बिकासमा ठुलो योगदान दिने अपेक्षा गरिएको छ।
