भारत-पाकिस्तान बीच तनाव चलिरहेका बेला ६ जना बंगलादेशी नागरिक सप्तरीको एक मस्जिदमा भेटिएका छन्। सप्तरीको हनुमाननगर कंकालनी नगरपालिका-३ भारदह स्थित रहमानीया जामे मस्जिदमा उनीहरू फेला परेका हुन्।
प्रारम्भिक जानकारी अनुसार, उनीहरू धर्म प्रचारको उद्देश्यले नेपाल आएको बताइएको छ। बंगलादेशको ढाकाबाट काठमाडौं हुँदै सप्तरी पुगेका यी व्यक्तिहरू मोरङ र सुनसरी हुँदै सप्तरी आइपुगेका थिए। उनीहरू ४ महिनाको लागि नेपाल आएको बताइएको छ।
स्थानीय प्रशासनले उक्त घटनाबारे थप अनुसन्धान गरिरहेको जनाएको छ। क्षेत्रीय सुरक्षा संवेदनशीलताको दृष्टिकोणले यस घटनालाई नजिकबाट निगरानी गरिँदैछ।
